Hogei artikulu, hogei audio, hogei bideo

Ikasturte hasieran esan genuenean gutxienez 20 artikulu irakurri eta irakurritakoen URL helbidea kopiatu beharko genuela gure aldarrai.wikispaces.com koadernoan, ez zirudien helburu zailegia. “Ikasturtean 30 aste baino gehiago iraungo du, beraz ez du ezta astean bat ere eskatzen”, pentsatuko zuen baten batek.

Igaro dira ikasturteko 20 bat aste eta aldarrai.wikispaces.com horretan askok helburutik urruti.

Hain zaila da zerbait irakurtzea edo entzutea eta URL helbidea gure koadernora kopiatzea?

Bernardo Atxaga – Susmoa lege (audioa)

Apostasia (audioa)

Bakardadea herri txikietan eta hiri handietan (audioa)

Mikroantzerkia (testu + bideoa)

Akatsak zuzentzen (bideoa)

Taldeko liderrak (audioa)

 

 

Advertisements

A ereduko ikasleentzako idazteko proposamena

Egin ezazu animalia baten deskripzioa.

Ez esan zein animalia den. Irakurleak asmatu beharko du.

Adibideak.

Ea asmatzen duzuen nik deskribatuko dudan animalia zein den. Animalia hau ez da uretakoa, lehorrekoa da. Lau hanka ditu eta badaki ondo igeri egiten. Izan ere, uretan egoten da lehorrean baino denbora gehiago. Oso astuna eta indartsua da. Esaten dute gizakientzat Afrikako animaliarik arriskutsuena dela. Europarrek lehen aldiz ikusi zutenean zaldi arraro bat zela pentsatu zuten eta “uretako zaldia” edo antzeko izena jarri zioten. Guregandik hurbil ikustea ez da erraza, Afrikako animalia delako baina Kantabrian, Cabarcenon, badaude ale batzuk. Zein da?

Nik deskribatuko dudan animalia dagoeneko ez da existitzen. XVII. mendean desagertu zela uste da. Hegazti handi-handia zen. Oso-oso otzana eta harrapatzeko erraza zen horregatik Europatik joan ziren lehen konkistatzaileek, bere hizkuntzan, hegazti honi “tontoa” deitu zioten. Harrapatu eta jan zituzten zeuden hegazti guztiak eta haien arrautzak. Gaur egun eskeletoak eta animalia disekatuak, lastoztatuak, besterik ez dira geratzen.

Argazkigilea: Shyamal (Norberak egina) [CC BY-SA 3.0 (https://creativecommons.org/licenses/by-sa/3.0)%5D, undefined

Gure ikaskide batek eraman du urtarrileko ZuZeu.eus GAZTEA saria

Aurreko batean, azaroan, Ainhoa geratu zen finalisten artean. (30 idazlan aurkeztu ziren azaroan ZuZeu.eus GAZTEA atalean eta saria eman zutenean Ainhoa onenen artean nabarmendu zuten).

Oraingoan Anek lehiakide gutxiago izan ditu urtarrilean, baina horrek ez dio meriturik kenduko. Zorionak Ane!

Argazkigilea: Camdiluv ♥ from Concepción, CHILE – Colours, CC BY-SA 2.0, https://commons.wikimedia.org/w/index.php?curid=19871961

 

Garbitegiarena

Aurreko astean Blender aplikazioaz egindako garbitegiaren film laburra ikusi genuen. Protagonistek Victor eta Frank zuten izena…

Kasualitatez aurreko urtean Erein argitaletxeak Viktor E. Frankl idazla austriarraren liburu bat argitaratu zuen: Gizakia zentzu bila.

Kasualitatez, baita ere, aurten badaukat ikasle bat Viktor E. Frankl eta beste judu askoren istorioak sinesten ez dituenik. Viktor E. Frankl Auschwitz eta Dachauko kontzentrazio esparruetan eduki zuten preso judua izateagatik. Urte haietako lekukotasuna Psikologo bat kontzentrazio-esparruetan (1955) liburuan idatzita utzi zuen.

Baina gure ikasle batek Holokaustoaren kontu horietan kontakizunaren puzte handiak, aho-gehiegikeriak eta gezur asko urtetan ibili direla pentsatzen du. Historia irabazleek kontatzen dutela eta II. Mundu Gerra irabazi zutenek nazien kontrako gezur asko asmatu omen zituzten. Holokaustoaren handiena.

Hori horrela balitz, Mendebaldeko historiografia guztia gezur handi bat besterik ez litzateke izango… Zuk zer uste duzu? Sinets daitezke bertsio ofizialak? Badago nahikoa frogarik Holokaustoa benetan gauzatu zela sinesteko? Azpian agertzen den eta antzeko milaka dokumentu antolaketa hutsa izan daitezke? Nola interpretatu datuak?

Ruper Ordorika – Hamabostean behin

Etxetik gutxitan irten arren
Jon Trollope hamabostean behin
abiatzen da labanderiara.

Etxe-sail pare bat zeharkatu ditu
eta hango kaleak beltzagoak dira eta
distiratsuagoak.

Posta zentraletik ezkerretara jo
denda greziarrak, billarra eta ospitalea,
hori ospitalea.

Etxeko egongela du buruan
bazter oro ditu ezagun eta hura
beti gogoan ageri zaion parajea.

Txanponik bai? Ugazabari galdegin
diru zikinik gabe nora joango ginduzkean ba?
horra erantzuna.

Labadora martxan ezarri
errebistarik ekarri ez duenez
leihotik begira zain.

Espaloi lerroari jarraitzen dio
etxalderako bidea buruz ikasia
hamabostean behin.

Etxeko egongela du buruan
bazter oro ditu ezagun eta hura
beti gogoan ageri zaion parajea
beti ageri parajea
beti parajea.

Egongela hartan zenbat alditan gordeko du
Jon Trollope gureak bere betiko paseoaren oroimina
paseoaren oroimina oroimina.

Usai exotikoak tabernetatik
izkinatik iragaitean konturatu da
inork begiratu ere ez diola
inork begiratu ez diola
inork begiratu ez.