Gure trepetak debekatzearen alde

Aurreko batean ezagun batzuek esaten zidaten ikasleei debekatu egin beharko litzaiekeela telefonoak ikastetxeetara eramatea. Tabakoarekin egin zen bezala. Berdin-berdin.

Ikasleek ez omen dakite telefonoak zentzuz erabiltzen, tontakerietarako besterik ez omen dituzte erabiltzen. Albokoarekin hitz egin beharrean hamar metrora dagoenarekin whatsapeatzen ibiltzen omen dira.

Giza harremanei, lagundu baino, kalte egiten omen diete sare sozialek. Ciberbullyinga, ziberjazarpena gero eta problema larriagoa omen dira ikastetxe inguruetan… Sexting, pishing, pribatutasunaren galera… Dena da arriskutsua Interneten eta arriskutsua da Internet osoa poltsikoan hara eta hona eramaten ibiltzea.

Telefono horiei esker konpainia batzuek, agian baita gobernu batzuek ere, erabiltzaileei buruz den-dena jakin dezakete.

Konturatu orduko, gure datu pribatu guzti-guztiak zenbait nazioarteko korporazio erraldoien esku uzten ditugu. Pribatutasuna historia pasatu da. Diru elektronikoarekin eta espiatzen gaituzten telefonoekin, amaitu da pribatutasuna. Gure kontaktu guztiak, gure pasahitzak, gure gizarte segurantzako zk., gure DNI, gure deien historia, gure GPS lokalizazioen historia…

Gazteak babestu eta telefonoetatik urruntzeko plana daukate nire ezagun batzuek. Beren onerako.

Egilea: Tilex (Tokyoko metroa) [CC BY 2.0 (https://creativecommons.org/licenses/by/2.0)%5D, undefined
Norbaitek zure datu guztiak batzen ditu.
Advertisements

Gabeko aterbea

Kontatu didate Nueva Yorken
Broadway eta 26 karrikaren kantoian,
Negu gorrian, gizon batek gauero
jendeari otoi eskatzen
aterpea bilatzen duela
biluzirik daudenentzat.

Mundua ez da era horretan aldatzen
Gizonen hartu-emanak ez dira hobekitzen
zama-aroa ez da hola laburtzen
Baina gizon batzuek gau batez, ohea dute,
aterpean haize hotzik ez eta
bereri zihoakien elurra, karrikan ari da.
Liburuaren irakaspenik ez ahaztu gizona!

Gizon batzuek gau batez ohea dute,
aterpean haize hotzik ez eta
bereri zihoakien elurra, karrikan ari da.

Bainan mundua ez da era horretan aldatzen
Gizonen hartu-emanak ez dira hobekitzen
zama-aroa ez da hola laburtzen.

(Hitzak: Bertolt Brecht; Musika: Mikel Laboa).

Zer iruditzen zaizu filantropia, ongintza, karitatea, altruismoa? Estatuak konpondu beharko lituzke pobrezia kasu larriak? Aberatsen eskuzabaltasuna benetakoa izaten da?

Errobi – Lantegiko hamar mandamentuak

Errobi taldearen abesti zaharra. Urteak igaro eta gero kutsu naif xamarra hartu du, nik uste 😉

  1. Nagusiak dituzu maitatuko
    bai eta
    ahal bezain ongi zerbitzatuko.

  2. Lanaren hasteko eta uzteko
    orduak
    dituzu beti errespetatuko. (hiperbaton)

  3. Lanean denborarik ez galtzeko
    ez zara
    inoiz lagunekin solastatuko.

  4. Nagusiak arrazoin duelako
    denetan
    ez zara haren kontra mintzatuko.

  5. Telefon(o)a ez duzu hunkituko
    ahalaz
    kanpotik inork ez zaitu deituko.

  6. Ongi irabazten duzulako
    ez duzu
    emendazionerik galdatuko. (soldata) hobetzerik eskatuko

  7. Lan presatu baten antzinatzeko (aurreratzeko)
    beharrez
    igandetan ar(i)tzea onartuko.

  8. Nagusiak hazten zaituelako
    agian
    ez diozu ezer (ere) ez ebatsiko.

  9. Nagusiak baitira beharrezko
    sekulan
    ez duzu haien lana trabatuko.

  10. Ta gauean langileek eskainiko … (“Zer eskainiko?”)
    pottotta ta ipurdi
    nagusiarendako … (bis)

(Daniel Landart)