Erronka

Ezer baino lehen, OHARRA: Gure problema konpontzeko, taldean euskaraz ahalik eta gehien egiten saiatu beharko gara.

 

 

Umeekin monitore izateko lan-poltsa bat atera da. Ume zailak izango dira. Batzuk autistatzat jo dira, beste batzuk ikasketa prozesuan diziplina arazo itzelak izan omen dituzte, beste batzuek arazo fisiko edo psikologiko latzak dauzkate…

Kontratatzaileak presaka dabiltza eta norbanakoak kontratatu beharrean taldetxoak, laukoteak kontratatuko dituzte.

Soldata itzela izango da eta gaztea eta euskalduna izatea, besterik ez dute eskatzen. Ez da EGA behar. Jende pilo bat aurkeztuko dela aurreikusten denez, postaz bideoa bidaltzeko eskatu dute, 3-7 minutuko bideo laburrak. Horrela aurrez aurreko elkarrizketak saihestuko dira. Baina kontratatzaileak ikusi nahi du nola eskatzen duzun lan hori eta nola defendatzen duzun zure burua, lan horretarako pertsona egokia zarela sinestarazi behar diezu bideoa ikusiko dutenei. Zu taldekide batzuekin elkartu zara eta elkarri lagunduko diozue bideo txukun-txukuna ekoizten eta enpresari, ((Gorka irakasleari ;-)), posta elektronikoaren bidez bidaliko diozue.

Grabatzeko, erabil ezazu esku-telefonoren bat. Edo ahal baduzu, kamera on bat, zergatik ez.

SEGI IRAKURTZEN >>>>>>>>>> (Bideoak ez dira leku publikoan argitaratuko).

Jarraitu “Erronka” irakurtzen

Advertisements

Bideo batzuk – ostiralarekin

Gaur ikasle batzuekin eta beste batzuekin ikusi eta komentatutakoak:

Quibiak gaur hitz egin digu bideoari buruz eta gero, ikusi dut baten batek atzo ZuZeu.eus horretan bideoa kargatu eta iruzkinak gehitu zituela.

Bullying edo eskola jazarpenaren kontrako Nazioarteko Eguna

Bihar, maiatzaren 4a, eskola-jazarpenaren kontra lan egiteko Nazioarteko Eguna da, Nazio Batuen Erakundearen arabera.

Euskarazko Wikipediak oraindik ez dauka honi buruzko artikulua. Bullying edo eskola jazarpenaren gaiari buruzko iritzi artikulua argitaratzeko eguna ere izan daiteke.

Ezagututako kasu bat kontatzeko eguna. Populazioaren laurden bat biktima zuzena izan dela uste da. Populazioaren heren batek jazarpen mota batean parte hartu omen du erasotzaileen taldean. Populazioaren gehiengoa parte hartu omen du biktimari laguntzarik eskaini ez omen dioten taldean…

Narrazio bat? Iritzi artikulu bat? Benetako gertakizunetan oinarritutako kontakizunik? Abestirik?

Irudiaren egileak: Edith Castro Roldán, Oscar Manuel Luna Nieto (Norberak egina) [CC BY-SA 4.0 (https://creativecommons.org/licenses/by-sa/4.0)%5D, undefined

Gabeko aterbea

Kontatu didate Nueva Yorken
Broadway eta 26 karrikaren kantoian,
Negu gorrian, gizon batek gauero
jendeari otoi eskatzen
aterpea bilatzen duela
biluzirik daudenentzat.

Mundua ez da era horretan aldatzen
Gizonen hartu-emanak ez dira hobekitzen
zama-aroa ez da hola laburtzen
Baina gizon batzuek gau batez, ohea dute,
aterpean haize hotzik ez eta
bereri zihoakien elurra, karrikan ari da.
Liburuaren irakaspenik ez ahaztu gizona!

Gizon batzuek gau batez ohea dute,
aterpean haize hotzik ez eta
bereri zihoakien elurra, karrikan ari da.

Bainan mundua ez da era horretan aldatzen
Gizonen hartu-emanak ez dira hobekitzen
zama-aroa ez da hola laburtzen.

(Hitzak: Bertolt Brecht; Musika: Mikel Laboa).

Zer iruditzen zaizu filantropia, ongintza, karitatea, altruismoa? Estatuak konpondu beharko lituzke pobrezia kasu larriak? Aberatsen eskuzabaltasuna benetakoa izaten da?

A eredukoentzako proposamena – idatzi elkarrizketa – antzeztu

  1. Bikoteka jarriko gara.
  2. Bikote bakoitzak antzezlan labur bat idatzi beharko du.
  3. Jendaurrean, aktore lana egin beharko eta lehenago idatzitakoa antzeztuko dugu.

Esate baterako:

  1. Irakaslea eta ikaslea. Irakasleak ikasleari telefonoa kendu dio.
  2. Eroslea eta saltzailea. Erosleak bapo bazkaldu du eta gero konturatu da dirurik ez daukala.
  3. Liburuzaina eta lapurra.  Liburuzainak  liburuak lapurtzen harrapatu du pertsona bat.
  4. Medikua eta ikaslea. Gaur azterketa zaila zeukan ikasleak. Ikasteko nahikoa denborarik ez eta azterketa egin beharrean medikuarenera joan da.
  5. Turista eta etxean lasai zegoena. Turistari helbide bat eman diote eta atea zabaldu dionak ez du ostalaritza zerbitzurik.
  6. Arbitroa eta futbolaria. Arbitroak bakarrik ikusi duen penalti bati buruzko eztabaida garratza.
  7. Aita, ama eta ikastetxeko zuzendaria. Semea edo alaba aste beterako kanporatu dute ikastetxetik…
–Barkatu, baina badaukat logela bat etxe honetan alokatuta bi astetarako. Internetaren bidez egin nuen erreserba eta ordaindu nuen. –Bi astetarako! Hau ez da ostatu bat!