Errobi – Lantegiko hamar mandamentuak

Errobi taldearen abesti zaharra. Urteak igaro eta gero kutsu naif xamarra hartu du, nik uste 😉

  1. Nagusiak dituzu maitatuko
    bai eta
    ahal bezain ongi zerbitzatuko.

  2. Lanaren hasteko eta uzteko
    orduak
    dituzu beti errespetatuko. (hiperbaton)

  3. Lanean denborarik ez galtzeko
    ez zara
    inoiz lagunekin solastatuko.

  4. Nagusiak arrazoin duelako
    denetan
    ez zara haren kontra mintzatuko.

  5. Telefon(o)a ez duzu hunkituko
    ahalaz
    kanpotik inork ez zaitu deituko.

  6. Ongi irabazten duzulako
    ez duzu
    emendazionerik galdatuko. (soldata) hobetzerik eskatuko

  7. Lan presatu baten antzinatzeko (aurreratzeko)
    beharrez
    igandetan ar(i)tzea onartuko.

  8. Nagusiak hazten zaituelako
    agian
    ez diozu ezer (ere) ez ebatsiko.

  9. Nagusiak baitira beharrezko
    sekulan
    ez duzu haien lana trabatuko.

  10. Ta gauean langileek eskainiko … (“Zer eskainiko?”)
    pottotta ta ipurdi
    nagusiarendako … (bis)

(Daniel Landart)

Advertisements

Ura isuririk – Benito Lertxundi

Oreina bilakatu neska

Ura isuririk sorginen bidean
dohaina bildu dut Bazko arratsean

—gauaz Mayi nuzu, egunaz oreina
etxeko zakurrek xerkatzen nutena.

 

—Jakes nun duk orak ez diat senditzen
oihanpean kurri, oreina xerkatzen

—Jakes deit zakurrak, salba (e)zak arreba
ama nola sinets Mayi daitekeela.

 

Jakes zakurrei hasi da xistuka
oreina hil dute kolpez hausikika

Jakesek kanitaz eman du pusketan
aseko ahal da Mayi gurekilan.

 

—Afal, afal, Jakes ni nuk hor lehena
ene haragiaz beterik dupina

Ama sala zolan nigarra begian
puñala sartu du bere bihotzian.

Frida Kahlo (Biografiak bilduma) – Ana Irigoien

Aurreko astelehenean, martxoaren 19an, 64D taldeko ikasle batzuek book trailer lehiaketan parte hartzeko formakuntza saio bat egin zuten. Egun horretan 6. eta 7. saioetara etorri ziren guztiek parte hartu zuten eta goian ikus daitekeen lana egin zuten, gutxi gorabehera ordu eta erdian.

Kalabazan Kultur Ekimenak taldekide bik hartu zuten irakasle rola: Iratik eta Mikelek. Zer egin daitekeen eta nola egin daitekeen labur azaldu ziguten eta aurreko urteotan ekoiztutako adibide batzuk erakutsi zizkiguten.

Baina laster pasatu ginen ikusle izatetik ekoizle izatera. (Laster pasatu ziren 64D taldeko ikasleak, alegia).

Diegok eta Imanolek hartu zuten Interneteko konexioa zeukan ordenagailua eta, di-da batean, hautatu zituzten doinu bat, liburu azalaren eta egilearen argazkiak…

Bitartean Jonek Movie Maker programa pribatiboarekin, nahiz eta lehenengo aldiz programa horrekin saiatu, azkar lortu zuen hasierako eta amaierako kredituak sortzea. Jonek berehala txertatu zituen bideoan Diegok  eta Imanolek hautatutako doinua eta irudiak … Eta hortxe, goian, emaitza.

Une berean, bazeuden Javi eta Gorka argazki kamera bat prestatzen.  Bideoan ikusten den tapetearen gainean (plastilinazko) autobus batek eta tranbia batek talka egingo zuten.

Etorri ziren beste guztiek, berehalakoan egin zuten gidoia eta, ia aldi berean, batzuek egin zituzten plastilinazko figuratxoak, kartoizko irudiak, eta abar.

Izan ere, Frida Kahlo, gaztetan, autobusean zihoala trafiko istripu larri bat izan zuen eta hortxe geratu zen, ohetik ezin altxa, denboraldi luze batean. Etzanda margotzen ikasi behar izan zuen…

Bideoan, book trailerrean, trafiko istripu hori islatu nahi izan zuten ikasleek, eta trafiko istripua irudikatu zuten hasteko. Gero, eztanda horretatik lore koloretsuak, margolari baten figura,  eta abar. sortu ziren…

Historiako margolaririk ospetsuenetako baten biografia irakurtzeko konbitea.

 

A eredukoentzako proposamena – idatzi elkarrizketa – antzeztu

  1. Bikoteka jarriko gara.
  2. Bikote bakoitzak antzezlan labur bat idatzi beharko du.
  3. Jendaurrean, aktore lana egin beharko eta lehenago idatzitakoa antzeztuko dugu.

Esate baterako:

  1. Irakaslea eta ikaslea. Irakasleak ikasleari telefonoa kendu dio.
  2. Eroslea eta saltzailea. Erosleak bapo bazkaldu du eta gero konturatu da dirurik ez daukala.
  3. Liburuzaina eta lapurra.  Liburuzainak  liburuak lapurtzen harrapatu du pertsona bat.
  4. Medikua eta ikaslea. Gaur azterketa zaila zeukan ikasleak. Ikasteko nahikoa denborarik ez eta azterketa egin beharrean medikuarenera joan da.
  5. Turista eta etxean lasai zegoena. Turistari helbide bat eman diote eta atea zabaldu dionak ez du ostalaritza zerbitzurik.
  6. Arbitroa eta futbolaria. Arbitroak bakarrik ikusi duen penalti bati buruzko eztabaida garratza.
  7. Aita, ama eta ikastetxeko zuzendaria. Semea edo alaba aste beterako kanporatu dute ikastetxetik…
–Barkatu, baina badaukat logela bat etxe honetan alokatuta bi astetarako. Internetaren bidez egin nuen erreserba eta ordaindu nuen. –Bi astetarako! Hau ez da ostatu bat!